برنامج SAP2000 يُعتَبَر أشهر برامج التحليل الإنشائي علي الإطلاق وهو من إنتاج شركة CSI العالمية..
برنامج SAP2000 إختصاراً لـ Structural Analysis Program ويمكننا عن طريق استخدامه بشكل عام من التحليل الإنشائي لأي عنصر إنشائي
( بلاطات – كمرات – سلالم – فريمات – جمالونات – ………… إلخ ).. 🔥 ليه بقي بنستخدم برنامج الـ SAP2000 دا أصلاً ؟؟ 🙄 واحنا طلبة كنا بندرس مادة مهمة جداً إسمها تحليل إنشاءات Structure Analysis 👌
في البداية درسنا منشآت Statically Determined ودي منشآت متزنة ومحددة إستاتيكياً كنا بنحلها بمعادلات الإتزان العادية .. 🔥
وبعد كدا الموضوع بدأ يصعب شوية وعرفنا انه مش شرط يبقي عدد المجاهيل مساوي لعدد المعادلات اللي عندي ودخلنا في حاجة أصعب إسمها Statically Indetermined ودي منشآت متزنة ولكن غير محددة إستاتيكياً
– يعني عدد المعادلات اللي عندي أقل من عدد المجاهيل المطلوب حسابها –
ودي كان ليها طرق كتير للحل زي مثلاً :
1- Slope Deflection Equation
2- Deflection Conjugate Beam
3- Deflection Virtual Work
4- Moment Distribution Method …. Etc.
الطرق دي كانت بتنفعني لما مثلاً يكون المنشأ غير محدد من الدرجة الأولي أو الثانية أو بالكتير الثالثة …. أما بعد كدا كان بيبقي الموضوع صعب وطويل .. 👌
بعد كدا كبرنا شوية وعرفنا طريقة مهمة جداً وهي أهم طريقة في حل المنشآت أو العناصر الغير محددة إستاتيكياً وهي طريقة الـ Stiffness Matrix . 👌 🔥
الطريقة دي تُعتبَر المدخل الرئيسي لفهم آلية عمل كل برامج التحليل الإنشائي
حيث أنه علي سبيل المثال وليس الحصر فهي الطريقة التي يعمل بها برنامج الـ .SAP2000 💪
باختصار شديد .. برامج التحليل الإنشائي المختلفه اللي زي الساب بتساعدني اني احل عدد لا نهائي من الـ Degrees of Freedom ودا اللي من خلاله بنقدر ننجز المشروع بسهوله ودقه عاليه وكمان وقت أقل بكتيير جدا

_____________________________________

المحتوي التفصيلي من خلال اللينك

إضغط هنا